2020 წლის დეკემბერში შვეიცარიული აგრარული სკოლა კავკასიას ორი თანამშრომელი შვეიცარიაში, პლანტაჰოფის სკოლაში გრძელვადიანი გადამზადების კურსებზე გაემგზავრნენ. ილია დევნოზაშვილი და გიორგი ასლამაზაშვილი ხუთი თვის განმავლობაში იმუშავებენ და ისწავლიან პლანტაჰოფის კუთვნილ ფერმებში. საქართველოში დაბრუნების შემდეგ ისინი შვეიცარიული აგრარული სკოლა კავკასიას სასწავლო ფერმაში პრაქტიკულ მეცადინეობებს გაუძღვებიან.
შვეიცარიული საინჟინრო კომპანია გრობის წარმოებული დანადგარების პირველი ნაწილი 2020 წლის ნოემბერში ჩამოვიდა საქართველოში. სრული აღჭურვილობა 2021 წლის დასაწყისში ჩამოვა საქართველოში.
2020 წლის ოქტომბერში კოლეჯის მიმდებარე ტერიტორიაზე სასწავლო ფერმის მშენებლობა დაიწყო. 50 სულ საქონელზე გათვლილი ფერმა შვეიცარიელი პარტნიორების რეკომენდაციების შესაბამისადაა დაგეგმილი. ფერმისთვის განკუთვნილი საქონელი სპეციალურად შეირჩა შვეიცარიაში პლანტაჰოფის წარმომადგენლების მიერ. ფერმა აღჭურვილი იქნება შვედური ფირმის დელავალის დანადგარებით.
2020 წლის თებერვალში შვეიცარიული აგრარული სკოლას წარმომადგენლებსა და პარტნიორებს შვეიცარიაში პლანტაჰოფის დელეგაციამ გაცნობით სასწავლო ტურზე უმასპინძლა. სამდღიანი ინტენსიური პროგრამის ფარგლებში ქართული ჯგუფის წევრებმა პლანტაჰოფის სასწავლებელი, მასთან არსებული მეურნეობები და პარტნიორი ფერმები დაათვალიერეს. პლანტაჰოფის სასწავლო პროგრამის მაგალთზე ქართული ჯგუფის წევრები შვეიცარიაში არსებული დუალური სწავლების მოდელს გაეცნენ.
2019 წლის დეკემბერში კოლეჯის ტერიტორიაზე ყველის ქარხნის მშენებლობას ჩაეყარა საფუძველი. ქარხანა დაგეგმილია შვეიცარიული კომპანია, გრობის, მიერ, რომელიც ასევე დანადგარების მთავარი მომწოდებელია. სასწავლო ყველის ქარხანა გათვლილია 2000 ლიტრზე დღეში. ქარხანაში სტუდენტები დაამზადებენ ყველს, კარაქს, იოგურტსა და რძის სხვა პროდუქტებს.
11-13 ნოემბერს კოლეჯმა პლანტაჰოფის დელეგაციას უმასნპინძლა. შვეიცარიელი სპეციალისტების ვიზიტის მიზანი იყო საქართველოში არსებული მერძეული ფერმების შეფასება და ანგარიშის მომზადება, რომელიც სამომავლოდ კოლეჯსა და ფერმებს შორის თანამშრომლობის საფუძველი გახდება. სპეციალისტებმა აღმოსავლეთ საქართველოს ტერიტორიაზე 20მდე ფერმა მოინახულეს, რომელთა ნაწილი სამომავლოდ სასწავლო ფერმებად შეირჩა. დაგეგმილია შერჩეული ფერმების შემოწმება/ ხელმეორედ შეფასება, რათა საუკეთესო ფერმებთან ინტენსიური ურთიერთობა დაიწყონ და
25 სექტემბერს დმანისის რაიონის სოფელ სარკინეთში შვეიცარიული აგრარული სკოლა კავკასიას პრეზენტაცია გაიმართა. ღონისძიებას ესწრებოდნენ საქართველოს გარემოს დაცვისა და სოფლის მეურნეობის მინისტრი, ბატონი ლევან დავითაშვილი, შვეიცარიის ელჩი საქართველოში ბატონი პატრიკ ფრანცენი, პლანტაჰოფის ოფიციალური წარმომადგენლობა, შვეიცარიის განვითარების ფონდი, სკოლის პარტნიორი ორგანიზაციები და ადგილობრივი თვითმმართველობის ორგანოების წარმომადგენლები. სტუმრებმა დაათვალიერეს მშენებლობის პროცენტი და გაეცნენ კოლეჯის სამომავლო გეგმებს.
